चौतारा माध्यामिक विद्यालय डाँडाखर्क विद्यालय २०४५ सालमा स्थापना भएको विद्यालय हो । साविक मुलखर्क गाविसको वडा नं. २ मा रहेको यस विद्यालयको नाम डाँडाखर्क भन्ने स्थानमा सर्बसाधारण नागरिकले थकान मेटाउने प्रयोजनका लागि निर्माण गरेको चौताराहरुको नामबाट नामकरण भएको देखिन्छ । हाल विद्यालय भवन रहेका क्षेत्रमा कटारीबाट नुनको भारी बोकेर आएका बटुवाहरुले भारी विसाउन प्रचुर प्रयोग गरेको पाइन्छ । शुरुमा यस विद्यालयको स्थापना गर्न संस्थापक अध्यक्ष दिलबहादुर खत्रीले २ रोपानी जग्गा दानपत्र गरेर निर्माणको थालनी गरेका हुन । स्थापनाका क्रममा डाँडाखर्क कि र ऐसेलुखर्क कि भन्ने स्थानमा विद्यालय सञ्चालन गर्ने भन्ने विवाद भएको थियो । चौतारा प्राथामिक विद्यायका नाममा ऐसेलुखर्कमा सञ्चालन भएको विद्यालयको आफैले एउटै वडामा एउटै नामको दुईवटा विद्यालय सञ्चालन गरेकोले उक्त विद्यालयले नाम परिर्वतन गर्न निर्णय गरे पश्चात विद्यालयको विकास दु्रत गतिमा अगाडी बढेको हो । यो विद्यालयको स्थापना काल देखि निरन्तर सर्घषका वीचमा कक्षा ५ सञ्चालन भएको २०५२ सालमा संस्थापक अध्यक्ष दिलबहादुर खत्रीको पहलमा कक्षा ६ शुरु हुदै कक्षा ८ सञ्चालन भएको हो । विद्यालय अपग्रेड गर्ने अग्रणी भुमिका निर्वाह गर्ने खत्री कै पहलमा २०६५ सालमा कक्षा नौ शुरु भएर २०६६ सालमा कक्षा १० सञ्चालन भएको हो । शैक्षिक गुणस्तरका दृष्टीले अग्रणी भुमिका निर्वाह गरि रहेको यस विद्यालय २०७८ सालबाट कक्षा ११ र प्रविधिक शिक्षा तथा व्यवसायिक तालिम परिषदबाट स्विकृत÷संवन्धन लिइ डिप्लोमा इन कम्प्युटर इन्जिनियारिङ्ग विषयको अध्यायपन भई रहेको छ । माध्यामिक तह कक्षा ११ र १२ मा विज्ञान र शिक्षा संकाय सञ्चालित छ । विद्यालयको स्थापनामा अग्रणी भुमिका निर्वाह गरेका स्थानियहरुको पहलकदमीमा विद्यालयको आफ्नै नाममा सुनकोशी गाउपालिका वडा नं. ५ मा ३३ रोपानी भन्दा बढि जग्गा रहेको छ । विद्यालयको ३ वटा भुकम्प प्रतिरोधी १३ कोठे सुविधा सम्पन्न भवन २ वटा पुराना भवन तथा छात्रा + छात्रका लागि छुट्टाछुटै शौचालय र स्वच्छ पिउनेपानी रहेको छ । विद्यालयमा सुविधा सम्पन्न पुस्तकालय, कम्प्युटर र विज्ञान ल्याव रहेको छ । विद्यालयमा प्रविधि मैत्री पठनपाठनका लागि इन्टरनेट सुविधा रहेको छ ।